გაუქმებისა და თანხის დაბრუნების პოლიტიკა

Disciplina ციფრული სააბონენტო სერვისია. ფასიან ფუნქციებზე წვდომა იხსნება გადახდის დადასტურებისთანავე, ან, თუ უფასო დღეები ჯერ კიდევ გაქვთ, მათი დასრულებისას, და გრძელდება იმ პერიოდით, რომელიც შეიძინეთ. გადახდილი პერიოდი ბოლომდე გრძელდება და გამოუყენებელი ნაწილის თანხა პროპორციულად არ ბრუნდება. შეცდომით ჩამოჭრილი თანხა — ორმაგი ჩამოჭრა ან გადახდა, რომლის შემდეგაც წვდომა არ გახსნილა — სრულად ბრუნდება.

თანხა ავტომატურად არასდროს ჩამოიჭრება. ყოველ პერიოდს თავად იხდით ვებგვერდზე disciplina.ge ან ელფოსტით გამოგზავნილი გადახდის ბმულით, ამიტომ გამოსართავი არაფერია. გეგმა დასრულების დღეს მთავრდება, თუ ახალ პერიოდს არ გადაიხდით; მანამდე ყველაფერი, რაშიც გადაიხადეთ, თქვენთან რჩება. პერიოდის დასრულებამდე 7, 3 და 1 დღით ადრე ელფოსტით შეგახსენებთ.

ფასიანი პერიოდის დაწყების შემდეგ (უფასო დღეების განმავლობაში შეძენისთვის იხილეთ 2ა პუნქტი) სერვისზე წვდომა სრულად მოგეწოდებათ, ამიტომ თვიური, კვარტალური ან წლიური პერიოდის შუაში გაუქმებისას გამოუყენებელი ნაწილის თანხას არ ვაბრუნებთ. სწორედ ამიტომ გადახდის წინ გთხოვთ დაადასტუროთ, როდის იწყება სერვისი: „მომხმარებლის უფლებების დაცვის შესახებ“ საქართველოს კანონით დისტანციური ხელშეკრულებიდან გასვლის 14-დღიანი უფლება არ ვრცელდება, როცა ციფრული შინაარსის მიწოდება თქვენი ცალსახა თანხმობით უკვე დაწყებულია.

თუ გეგმას უფასო დღეების დასრულებამდე იყიდით, ფასიანი პერიოდი ჯერ არ არის დაწყებული. მის დაწყებამდე შეგიძლიათ ეს შესყიდვა გააუქმოთ და თანხა სრულად დაიბრუნოთ — მოგვწერეთ მისამართზე support@disciplina.ge. ფასიანი პერიოდის დაწყების შემდეგ მე-2 პუნქტი მოქმედებს.

თანხას სრულად, იმავე ბარათზე ვაბრუნებთ, როცა:

• ერთი და იგივე გამოწერა ორჯერ ჩამოიჭრა (ორმაგი ჩამოჭრა);
• თანხა ჩამოიჭრა, მაგრამ გამოწერა არ გააქტიურდა;
• ჩვენი მხრიდან ტექნიკური ხარვეზის გამო ფასიანი ფუნქციები პერიოდის არსებითი ნაწილის განმავლობაში მიუწვდომელი იყო და გონივრულ ვადაში ვერ გამოვასწორეთ.

უფასო, საცდელ და მოწვევით მიღებულ დამატებით დღეებსა და მოწვევის კრედიტს ფულადი ღირებულება არ აქვს და არ ანაზღაურდება (იხილეთ გეგმების, უფასო პერიოდისა და კრედიტების პირობები).

მოგვწერეთ თქვენს ანგარიშზე მითითებული ელფოსტიდან და მიუთითეთ ჩამოჭრის თარიღი, თანხა და გადახდის ნომერი ქვითრის წერილიდან (მწვრთნელები მას ვებგვერდზეც იპოვიან: ბილინგი → ინვოისები). ვპასუხობთ 3 სამუშაო დღეში. როცა თანხის დაბრუნება ეკუთვნის, ის ჩვენი გადახდის პროვაიდერის (Flitt — თიბისი ბანკის გადახდის სერვისი) მეშვეობით იმავე ბარათზე იგზავნება. თქვენს ბანკს ამონაწერში ასახვას შესაძლოა კიდევ 3–10 სამუშაო დღე დასჭირდეს; ამ ნაწილს ვერ დავაჩქარებთ.

ელფოსტა: support@disciplina.ge · ტელეფონი: +995 597 81 58 15.

თუ ჯერ ჩვენთან დაკავშირების ნაცვლად ჩამოჭრას პირდაპირ ბანკში გაასაჩივრებთ, დავას თქვენი შესყიდვისა და გამოყენების ჩანაწერებით ვუპასუხებთ. გაცილებით გვირჩევნია საკითხი პირდაპირ მოვაგვაროთ — კუთვნილი თანხა უდავოდ ბრუნდება.

თუ თქვენს წვდომას მწვრთნელი იხდის, Disciplina თქვენგან თანხას საერთოდ არ იღებს და ეს პოლიტიკა თქვენზე არ ვრცელდება. თქვენსა და მწვრთნელს შორის შეთანხმება მხოლოდ თქვენ ორს შორისაა.

გადახდისა და მიწოდების პირობები · მომსახურების პირობები · კონფიდენციალურობის პოლიტიკა

ი/მ მიხეილ ჩხვირკია · 62005029525 · საქართველო, თბილისი, დიდუბის რაიონი, აკ. ბელიაშვილის ქუჩა, N70ბ